SILIQUATICUM

SILIQUATICUM

id apud Romanos, quod pro exponendarum mercium licentia dabatur. A Siliqua, primo et minimo pondere, Spelmann. Fuit autem Siliqua, vigesima quarta pars solidi, septima unciae, scrupuli sextam partem, drachmae vero decimam octavam conficiens, apud Romanos. Graecis vero Siliqua, sive κεράτιον, i. e. corniculum, σιτάρια 4. continebat, Angl. two grains and eleven twelfihs Troy: signabaturque sic κε, Fr. Gouldmannus Diction. Siliquam auri vigesimam quartam partem Solidi facit Nicandri Interpres; Ἡ οὐγκία ἔκει ςτάγια ἑξ, τὸ δε ςτάγιον κεράτια κδ. Uncia habet solidos sex, solidus vero Siliquas 24. Inde in morem vertit, ut pro semuncia, Graecus auctor εἰκοςτην` τετάρτην, h. e. dimidiatô milliarensi, vel 12. follibus, quae 24. pars Solidi erat, Siliquam diceret. Isidor. l. 16. c. 24. Stliqua 24. pars Solidi est, ab arboris semine vocabulum tenens. Ubi Anton, Augustinus nummi genus esse putat: Scaliger speciem argenteam nummi: Hottomannus, ex male intellecto Isidoro, argenteum nummum facit, Lunae crescentis sive cornutae notâ signatum: Salmasio fuêre minutuli nummi aurei, eôdem nomine ac pondere, quô Siliquae Latinis, κεράτια Graecis. Imo numquam tam minutuli nummi ex auro Romanis fuêre: sed duodecim folles Siliquam dicebant. Clare Iustinianus in LL. rusticis, κεράτιον ἓν ἤγουν φόλαι δώδεκα. Sic Georgius Cedrenus in Leone Isauro, ubi scribit, in Solidum pendi Milliarensem unum, pro eo mox δικέρατον, i. e. duas Siliquas, seu 24. Folles ponit. Anastasius Biblioth. argenteum nummum reddit: nec quidquam aliud binae sitiquae, quae appellabantur ratione auri, solvebantur autem in argento aut aere. Vide supra in voce Milliarensis. Siliquas tres in Solidum annuas, centesimam fuisse legitimam, discimus ex Autiquo Interprete, qui Theodosii legem sub tit. de Usuris, quâ vetat ultra centesimam iure permissam, aliquid sub occasione necessitatis eruere foeneratores, sic explicas: Si quis plus quam legitima centesima continet, id est, tres siliquas in anno per solidum amplius, a debitore, sub occasione necessitatis, acciperer vel auferre praesumpserit, i. e. milliarensem, et partem eius dimidiam, 36. folles: quam octavam Solidi partem, dicit Novella 106. Calculatores Sescunciam. Hinc ergo Siliquaticum, do cente magnô Cuiaciô Observat. l. 16. c. toto, dictum vectigal est, quod ex qualibet mercium negotiatione, nundinis fisco in solidos singulos venditor dimidium Siliquae, et emptor alterum dimidium inferret. Vide Gronovium de Pecun. vet. l. 4. c. ult. Introductum autem tributum hoc est a Valentiniano et Theodosio, augendo, quod exhaustum fuerat, aerario, ut est in eorum Novella 48. etc.